წევრობის კრიტერიუმები

წევრობის კრიტერიუმები და პროცედურები

წინამდებარე დოკუმენტი ადგენს საქართველოს წიგნის ასოციაციის წევრობის კრიტერიუმებსა და პროცედურებს.

1. გაწევრიანება
2. 1.1.. ასოციაციის წევრი შეიძლება გახდეს წიგნის გამომცემელი ან გამავრცელებელი პირი, რომელმაც:
   • 1.1.1. ბოლო 12 თვის განმავლობაში გამოსცა არანაკლებ სამი წიგნი ISBN კოდის მინიჭებით ან ბოლო 12 თვის განმავლობაში უზრუნველყო არანაკლებ 50 დასახელების წიგნის რეალიზება.
   • 1.1.2. საკუთარი საქმიანობით არ ეწინააღმდეგება წესდებით განსაზღვრულ მიზნებს და იცავს პროფესიულ ეთიკას.
3. 1.2. ასოციაციის წევრი არ შეიძლება გახდეს:

1. პირი, რომლის ბენეფიციარ მესაკუთრეს [წილის ოდენობის მიუხედავად], წარმოადგენს სახელმწიფო, გარდა უმაღლესი საგანმანათლებლო დაწესებულებებისა.
   1. პირი, რომელიც არის წიგნის  გამოცემის და გავრცელების  სფეროში არსებული სხვა ასოციაციის წევრი.
   1. პირი, რომელიც გამოსცემს/ავრცელებს პირატულ წიგნებს და ხელს უწყობს კონტრაფაქციას.
   1. თუ მისი წევრად მიღების შემთხვევაში მისი და მასთან ურთიერთდაკავშირებული წევრების რაოდენობა ერთობლივად, გადააჭარბებს ასოციიაციის წევრთა მესამედს.
   1. თუ მასთან ურთიერთდაკავშირებული პირი გამოცემის და გავრცელების   სფეროში არსებული სხვა ასოციაციის წევრია.

1.3  წინამდებარე წესის მიზნებისთვის ურთიერთდაკავშირებულ პირად ითვლებიან პირები:

• რომელთაც ჰყავთ საერთო პარტნიორი/წევრი/დამფუძნებელი/ ბენეფიციარი მესაკუთრე  [წილის ოდენობის მიუხედავად] ან
• რომელთაც ჰყავთ საერთო ხელმძღვანელობაზე ან/და წარმომადგენლობაზე უფლებამოსილი პირი ან
• თუ ერთი სუბიექტის ხელმძღვანელობაზე ან/და წარმომადგენლობაზე უფლებამოსილი პირი მეორე სუბიექტის პარტნიორი/წევრი/ დამფუძნებელი/ბენეფიციარი მესაკუთრეა [წილის ოდენობის მიუხედავად].

• წევრის მიღების პროცედურა

• ასოციაციის წევრობის მსურველი (შემდეგში „განმცხადებელი“) განაცხადით (დანართი 1)  მიმართავს ასოციაციის გამგეობას.
  • განაცხადის გაგზავნა ხდება ელექტრონული ან მატერიალური ფორმით. ელექტრონულ ფორმად ჩაითვალება ელფოსტით განაცხადის გაგაზავნა ან სხვა ისეთი ელექტრონული ფორმით რომელიც შეიძლება შემუშავებული/ ავტომატიზირებული იყოს ასოციაციია მიერ, მაგ: Google forms და ა.შ.
  • თუ ასოციაციიდან ერთხელ უკვე გარიცხულ წევრს კვლავ სურს ასოციაციის წევრობა, განმცხადებელი ვალდებულია, დამატებით წარმოადგინოს გარიცხვის საფუძვლის აღმოფხვრის მტკიცებულებები.
  • განაცხადში მითითებულ ინფორმაციას ამოწმებს გამგეობის თავმჯდომარე და საკუთარი კომპეტენციის ფარგლებში იკვლევს განმცხადებლის შესახებ ინფორმაციას და მისი საქმიანობის შესაბამისობას ასოციაციის მიზნებთან.
  • ინფორმაციის შესწავლის შემდეგ თუ ფორმალური კრიტერიუმები არ შეესაბამება დადგენილ პირობებს და წესებს, გამგეობის თავმჯდომარე დასაბუთებულ უარს აცნობებს განმცხადებელს, ხოლო ხარვეზის შემთხვევაში სთხოვს მის აღმოფხვრას.
  • თუ ფორმალური კრიტერიუმები შეესაბამება დადგენილ პირობებს და წესებს, გამგეობა ამზადებს რეკომენდაციას განაცხადის დაკმაყოფილების შესახებ.
  • გამგეობა განაცხადს საკუთარ დასკვნასთან ერთად ელექტრონული ფორმით უგზავნის ასოციაციის წევრებს.
  • თუ ორი კვირის ვადაში ასოციაციის რომელიმე წევრი არ გამოხატავს დასაბუთებულ მოსაზრებას განმცხადებლის გაწევრიანების საწინააღმდეგოდ, ასოციაციის გამგეობის თავმჯდომარე ხელს აწერს ბრძანებას ახალი წევრის მიღების შესახებ, რის შესახებაც ორი სამუშაო დღის ვადაში ეცნობება განმცხადებელს.
  • თუ განცხადების გაგზავნიდან ორი კვირის ვადაში ასოციაციის რომელიმე წევრი წარადგენს დასაბუთებულ მოსაზრებას  განმცხადებლის არმიღების შესახებ, ეს საკითხი განიხილება უახლოეს საერთო კრებაზე.
  • საერთო კრებაზე საკუთარ მოსაზრებას წარადგენს წევრი, რომელიც ეწინააღმდეგება განმცხადებლის გაწევრიანებას.
  • საერთო კრებაზე მოწვეული უნდა იყოს განმცხადებელი. მას უნდა მიეცეს საკუთარი მოსაზრებების საერთო კრებისთვის წარდგენის შესაძლებლობა.
  • განხილვების დასრულების შემდეგ საერთო კრება იღებს გადაწყვეტილებას წესდებით დადგენილი წესით განცხადების დაკმაყოფილების ან უარის თქმის შესახებ.
  • საერთო კრების გადაწყვეტილების შესახებ განმცხადებელს უნდა ეცნობოს გადაწყვეტილების მიღებიდან 2 სამუშაო დღის ვადაში, რასაც უზრუნველყოფს გამგეობის  თავმჯდომარე.
  • წევრობაზე უარის თქმის შემთხვევაში პირს უფლება აქვს ასოციაციას განმეორებით მომართოს უარის მიღებიდან ერთი წლის შემდეგ.
  • ახალი წევრის მიღებისთანავე აღნიშნულის შესახებ გამგეობის თავმჯდომარე აცნობებს ასოციაციის ყველა წევრს და აღმასრულებელ დირექტორს, ახალი წევრი აღირიცხება ასოციაციის წევრთა საერთო რეესტრში, რომელსაც აწარმოებს ასოციაციის აღმასრულებელი დირექტორი.
  • საგამონაკლისო შემთხვევაში, გამგეობის მიერ მიღებული გადაწყვეტილების შესაბამისად, შესაძლებელია გამგეობის მიერ ასოციაციის წევრებს წარედგინოს ისეთი განაცხადი, რომელიც არ აკმაყოფილებს ფორმალურ მოთხოვნებს/ კრიტერიუმებს.  ასეთი წარდგინება უნდა იყოს დასაბუთებული.
  • საგამონაკლისო წესით განაცხადის განხილვა ხდება წინამდებარე დოკუმენტის 2.7-2.12 პუნქტებით დადგენილი წესით და პროცედურით.
  • თუ წევრი აღარ აკმაყოფილებს წინამდებარე წესის 1.1 პუნქტით განსაზღვრულ კრიტერიუმებს ან სახეზეა 1.2 პუნქტით დადგენილი პირობები, წევრი ვალდებულია თავად აცნობოს გამგეობის თავმჯდომერეს აღნიშნულის შესახებ.