10-13 აპრილს ექსპო ჯორჯიას მე-11 პავილიონში თბილისის წიგნის ბაზრობა გაიმართება.
დიდი და პატარა გამომცემლობები, მკითხველთა საყვარელი წიგნის მაღაზიები და გრანდიოზული ფასდაკლებები წიგნებზე, რომლებსაც მთელი წლის განმავლობაში ელოდით – თბილისის წიგნის ბაზრობის დღეები წიგნების მოყვარულებისთვის დასამახსოვრებელი იქნება!.
მოსულ სტუმრებს ელოდება:
ახალი წიგნები, რომლებიც სწორედ აპრილის ბაზრობისთვის მოვამზადეთ;
შეხვედრები საყვარელ ავტორებთან და მსახიობებთან, რის გამოც წიგნების სამყაროში მოხვედრის თავგადასავალი კიდევ უფრო განსაკუთრებული გახდება;
ფასდაკლებები, რომლებსაც წელიწადში ერთხელ, მხოლოდ აქ, თბილისის წიგნის ბაზრობაზე დაგხვდებათ!
სულ მალე გაგაცნობთ წიგნის ბაზრობის დეტალურ პროგრამას და მონაწილეთა კატალოგებსაც.
“წიგნებით თავისუფლებისთვის” – ეს “თბილისის წიგნის ბაზრობის” 2025 წლის მთავარი სლოგანია, რადგან წიგნების გარეშე შეუძლებელია მოვიპოვოთ და შევინარჩუნოთ თავისუფლება, რომელსაც აქტიური საზოგადოება ახლა იცავს მტკიცედ და პრინციპულად.
10-13 აპრილს თბილისის წიგნის ბაზრობაზე მკითხველს დაგახვედრება სივრცე ამ ღირებულებებზე მოსაზრებების გასაზიარებლადაც.
ღონისძიების გენერალური სპონსორია თიბისი, მხარდამჭერები არიან ველი სთორი და პოლონური ინსტიტუტი თბილისში.